回味許留山嘅芒果甜品｜泰國🇹🇭 Yenly Yours Dessert 人氣芒果甜品專門店

如果你係芒果控，又係成日飛泰國嘅「泰國通」，咁你多數都幫襯過呢間 — Yenly Yours Dessert。

呢間來自泰國嘅超人氣芒果甜品店，以一句「All About Mango」作為品牌slogan，專注研製各種以芒果為主角嘅飲品和甜品，完美揉合傳統泰式風味同現代感。

佢哋嘅分店遍佈曼谷，包括 Siam Paragon、ICONSIAM 等，全泰國目前已有 15 間分店，並已擴展到新加坡、越南、柬埔寨。

🌬️ 名字都 feel 到涼？Yenly = เย็น = 清涼！

「Yenly」嚟自泰文「เย็น」（yen），意思係「清涼、消暑」，代表住佢哋嘅品牌理念：每一口甜品，都係一種 tropical 嘅放鬆感受。食完真係透心涼，彷彿置身於泰國芒果園，陽光輕灑，果香撲鼻，仲唔 chill 爆？

🌱 每一口美味的芒果都肩負著對社會的責任

Yenly Yours 起源於泰國清萊一個家族果園，一直堅持公平貿易，與當地小農戶合作種植六款黃、青芒果品種。每天新鮮採摘，並嚴選最優質的用來作食材。

其中最標誌性～當然係泰國最甜芒果之一嘅 Nam Dok Mai（泰文意即「花之香」），即係香港人熟悉嘅「水仙芒」啦！

呢款芒果甜度高但唔膩，肉質幼滑、無渣、juicy，而且仲有淡淡天然水仙花香，係好多正宗泰國餐廳指定用嚟做芒果糯米飯嘅 No.1 選擇。Yenly Yours 就係用呢啲最靚芒果，創作出一系列甜品界嘅 tropical treasure。

≈

🛍️ SomeThings 精選上架甜品

🌸 Rose Mango Sticky Rice（玫瑰芒果糯米飯）

Yenly Yours 嘅 signature 之一！將經典芒果糯米飯變成一朵玫瑰～
使用天然材料做成的糯米飯，加上新鮮甜美的水仙芒果肉，並以鮮榨椰奶、山鹽調味，最後以人手將一片一片的芒果砌成玫瑰，每一口都充滿細節。

🎂 Mango Sticky Rice Cake 芒果糯米飯蛋糕

經典玫瑰芒果糯米飯～升級做成蛋糕
有 6 款設計，有1-5磅可選擇，靚得嚟又好味，不論自肥或送禮、生日、慶祝都啱晒。

🍡 Mango Mochi 芒果麻糬

金黃色的芒果麻糬來自日本配方，煙韌外皮塞滿了大塊水仙芒果肉，再混合著烤過的椰絲，完美搭配

🍬 Mango Pancake 芒果班戟

每日新鮮製作嘅薄班戟皮，夾住香滑忌廉同水仙芒果肉，係一款融合日式輕盈同泰式熱情嘅甜品。

🍮 Mango Cheese Tart 芒果芝士撻

酥脆撻底＋入口即化嘅日本直送cream cheese，面層鋪上新鮮水仙芒，再淋上濃濃的芒果醬，酸甜適中，口味完美平衡，香、甜、鹹、脆，一應俱全！

🍪 Mango Macaron 芒果馬卡龍

法式馬卡龍加上泰國風味。用真正杏仁粉製成，內餡混入 Yenly Yours 嘅秘製芒果糯米飯，甜而不膩，香氣滿分，係 crossover 界嘅完美示範！

🧡 總結一下：一口 tropical，滿滿好心情！

Yenly Yours 唔止係一間甜品店，而係一種生活態度。每一件甜品都講緊一個泰式 tropical 嘅故事，由果園到你嘅餐桌，滿載陽光與用心。

今次由 SomeThings 帶返嚟香港，等你唔使飛都食到世界級芒果甜品！

[ 🛍️ 即刻去揀返幾款 ]